2018-ci ilin ən intellektual şəhərlərinin reytinqi açıqlanıb
Novator.az-ın məlumatına görə, İspaniyanın Navarra Universitetinin Biznes Məktəbinin hazırladığı illik reytinqə 80 ölkənin 165 şəhəri daxil edilib. Şəhərlərin 74-ü paytaxtdır.
İntellektual şəhərlər reytinqi iqtisadiyyat, idarəçiliyin keyfiyyəti, şəhər planlaşdırması, texnoloji inkişaf, ətraf mühit, beynəlxalq siyasət, sosial sabitlik və bərabərlik, nəqliyyat sistemi, insan kapitalı sahələrini əhatə edən 83 göstərici əsasında tərtib olunub.
Şəhərlər yaxşıdan pisə doğru ardıcıllıqla 4 qrupa bölünüb: A qrupu, RA qrupu, M qrupu, B qrupu.
B qrupunda yer alan Azərbaycanın paytaxtı Bakı intellektual şəhərlər reytinqində 127-ci yerdə göstərilir.
Reytinq cədvəlinin başında Nyu-York şəhəri (ABŞ) dayanır. İlk beşliyin sonrakı pillələrində paytaxt şəhərləri – London (Böyük Britaniya), Paris (Fransa), Tokio (Yaponiya), Reykyavik (İslandiya) qərarlaşır.
Nyu-York, London və Paris ən yüksək qrup olan A qrupunda göstərilir.
Tokio, Reykyavik, eləcə də “ağıllı şəhərlər” siyahısının ilk onluğunda yer alan Sinqapur, Seul (Cənubi Koreya), Toronto (Kanada), Honkonq və Amsterdam (Hollandiya) şəhərləri RA qrupundadır.
“Ağıllı şəhərlər” siyahısına Ermənistanın heç bir şəhəri düşməyib.
Gürcüstanın paytaxtı Tbilisi 112-ci (M qrupu), Rusiyanın paytaxtı Moskva 70-ci (M qrupu), Sankt-Peterburq şəhəri 123-cü (B qrupu), Novosibirsk şəhəri 142-ci (B qrupu) pillələrdə göstərilir.
Ukraynanın paytaxtı Kiyev 113-cü (M qrupu), Türkiyənin İstanbul şəhəri 114-cü (B qrupu), paytaxtı Ankara isə 120-ci (B qrupu) yerdə qərarlaşır.
Reytinqin sonuncu – 165-ci pilləsində Pakistanın Kəraçi şəhəri (B qrpu) dayanır.
Digər xəbərlər
loading...
