Müflisləşmə ərəfəsində olan Çinin ZTE telekommunikasiya şirkəti ABŞ-a 400 milyon dollar ödəyəcək
İKT.lent.az-ın “Reuters”ə istinadən verdiyi məlumata görə, bu vəsait ABŞ qanunvericiliyinin təkrar pozulacağı təqdirdə, təminat rolunu oynayacaq.
ZTE-nin ABŞ Ticarət Nazirliyi ilə imzaladığı müvafiq saziş şirkətə yenidən ABŞ istehsalı olan ehtiyat hissələrini almağa və bu ölkədə öz məhsulunu satmağa imkan verəcək. ABŞ hökuməti ilə mübahisəyə tam son qoymaq üçün isə ZTE əvvəlki pozuntulara görə daha 1 milyard dollar cərimə ödəməlidir.
Xatırladaq ki, aprel ayında ABŞ Ticarət Nazirliyi ZTE istehsalı olan avadanlığın İran və Şimali Koreyaya qanunsuz satışının aşkarlandığını bəyan edib. Bu üzdən şirkətə ABŞ ərazisində 7 il müddətində fəaliyyət göstərmək qadağan olunub. Nəticədə smartfon istehsalı üzrə dünyada ən böyük şirkətlərindən biri olan ZTE iflas təhlükəsi ilə üzləşib və yeni telefonların istehsalını dayandırmaq məcburiyyətində qalıb. ABŞ və Çin liderlərinin danışıqlarından sonra ZTE-nin ABŞ bazarına qayıdışı haqqında qərar qəbul olunub.
Digər xəbərlər
loading...
