Xəbər verdiyimiz kimi, “ATV maqazin onlarla” verilişinin “Hit-parad” rubrikasının qonağı müğənni Roza Zərgərli olub
Axşam.az-ın məlumatına görə, ifaçı onuncu yerə Günay İbrahimlini, doqquzuncuya isə əməkdar artist Tünzalə Ağayevanı layiq görüb:
“Tələbəlik yoldaşım. Məndən bir kurs böyükdür, yaşca da böyükdür. Sadəcə illər sonra tədbirlərdən birində 2002-ci ildə mükafat verilirdi. Tünzalənin onda çox "guruldayan" vaxtları idi. Məşhurluğunun pik nöqtəsindəydi. Orada görüşdük. Gördüm məni tanımadı. Dedim, bir yerdə oxumuşuq, Tünzalə. Yenidən səhnəyə dönüşümdə mənə dəstək olub, bunu unutmaram. Mükəmməl ifaçı və bəstəkardır. Yaxşı insandır. Sadəcə mahnını artıq çox eşitmişəm. Klip düzgün deyil. Öz dövründə mahnı klipsiz də sevildi”.
Əməkdar artist Miri Yusifi uzun müddətdir tanıdığını deyən sənətçi ona bir neçə irad bildirb:
“Bilmirəm, məşhur olanda, onlar bizim konsertimizdə oxuyanda biz niyə dəyişmədik. Məşhurlaşdıqdan sonra qəbullarına belə düşmək alınmır. Deyirik tədbir var, mənimlə prodüseri danışır, özü yox. Prodüseri də dostumuzdur, illərdir tanıyıram. Amma bu düzgün deyil. Mənimlə o zaman prodüser danışar ki, onlar da məni yığanda mənim prodüserim açar telefonu. Mənimlə köməkçi danışa bilməz, çünki köməkçim heç kimlə danışmır. Məşhurlaşdıqdan sonra ünsiyyətdə olduğun insanlara qarşı xasiyyətin dəyişməməlidir. Mahnı zövqümcə deyil. Elə hitləri var ki, övladlarım dinləyir”.
İfaçı yeddinci yeri müğənni Damlaya verib:
“Damlanın problemi sakit olmasıdır. Ola bilər ki, o, Roza Zərgərlinin yolunu siyasətdə davam etdirir. Nə qədər pisləyirlərsə, susur. Buna görə onu sevdim. Bir qəşəng klassik albom hazırla. Sübut et ki, xəstəxanada zarımırsan. Şapalağı da qoy qulaqlarının dibinə, onda gedəcəksən qabağa. Onda olacaqsan mənim üçün "super star". Xalq təklənəni sevir. Şou-biznesin 70-80 faizi ona qarşıdır. Buna görə xalq onu birinci edəcək. Ağlınız olsun pisləməyin. Tərifləyin ki, geri getsin”.
Bəstəkar-müğənni Murad Arif , Ramin və Rəhim Rəhimlinin ifasını altıncı pilləyə layiq görən Roza Zərgərli mahnının tezliklə hit olacağını qeyd edib:
“Vizit kart”ımın bəstəkarı Murad Arif. “Almalarım”, “Oppalar”, “Atəş”, “Dondurma”. Star yox, amma çox məşhur müğənni ola bilər. Çünki ifası üzərində işləyir. Yanındakı ağ baş oğlan da mənim ürəyimdir. Sözün həqiqi mənasında o, öz yerində deyil. Bundan üstün pillədə olmalıdır. Bəzi ələdiyim oğlanlardan öndə olmalıdır. Çünki Miri Yusif stadionu doldura biləndə başqaları bunu bacarmırdı. Ramin dəyişən insan deyil. Rəhim Rəhimli illər boyu dəyişməyən ifaçılardandır. Çünki biz hamımız eyni vaxtda başlamışıq. Hit olacaq”.
İfaçı müğənni Xatirə İslamın mahnısına beşinci pilləni verib:
“Sənətdə məni sevməyən insan məndə zəifdir, sevən isə güclü. Xatirə güclüdür. 24 saat bir yerdə olmuruq. Amma şoudan sonra yazdığı statusda özümə qarşı hörmət hiss etdim. Statusunda da qeyd etmişdi ki, mənim rekordumu qıra bilmədin. Səhhətimdə problem var, 32 saatdan artıq dayana bilməzdim. Elə etdim ki, qarşı tərəf bezsin. Xatirə 72 saat dayanıb. Hər hünərli oğlanın işi deyil”.
Roza müğənni Ramal İsrafilovun səsini də, ifasını da bəyəndiyini bildirib:
“Ramalı ilk dəfə “A trio”da tanımışam. Hüseyn Əzizoğlunun atası Abbas Bağırovun triosundan”.
Zərgərli yenicə barışdığı Aygün Kazımovanı ikinci pilləyə qoyub. Roza bildirib ki, birinci pilləyə xalq artisti Brilliant Dadaşovanı layiq görür:
“Qəlbimin şahzadəsi. Yenilməz batalyonumun kraliçası. Gözəl sənətkarım. Mən bu qadından heç zaman mənfi aura almıram. Bu gün burada hakim mənəmsə, idarəmdə birinci odur. Əgər Rauf Aygün Kazımovanın yanında olmasaydı, qalacaqdım ikisinin arasında. Sağ olsun Rauf ki, bir yerdədilər. Brilliant xanımın elə mahnısı yoxdur ki, onu sevməyim, dinləməyim. Onun mahnılarını oxumuram. Brilliant mahnını oxuyubsa, ondan sonra özünü öldürmə. Kim də oxuyursa, yekəbaşlıq edir”.
Müğənni aparıcı Nanə Ağamalıyevanı isə siyahıdan kənarlaşdırıb:
“Əgər Nanəni birinci, üçüncü, beşinci pilləyə qoysam, ifaçılar mənə deyər ki, Nanə gəlsin canlı oxusun. Mahnıya dəyər veririk. Klip yaxşıdı. İkinci mahnı gözləyirəm, həm də ritmik”.
Digər xəbərlər
loading...
