ABŞ prezidenti Şimali Koreyanın onun iyun sammitinin təxirə salmaq qərarına verdiyi cavabı müsbət qiymətləndirib
Donald Tramp deyib ki, Kim Çen Inın sammitin təxirə salınmasına münasibət produktiv və istiqanlı olub: “Şimali Koreyadan istiqanlı və produktiv bəyanat almaq çox yaxşı xəbərdir. Bu yaxınlarda bunun haraya aparacağını görəcəyik. Ümid edirəm ki, bu, davamlı sülh və firavanlığa aparan yol olacaq. Bunu zaman göstərəcək!” – deyə, prezident Twitter hesabında yazıb.
Şimali Koreya hələ də ABŞ prezidenti Donald Tramp ilə danışmaq istədiyini bəyan edib. Tramp iyunun 12-nə Kim Çen Inla planlaşdırılan sammiti təxirə salıb, bunu Pxenyanın “böyük qəzəb və açıq düşmənçiliyi” ilə izah edib. Şimali Koreya xarici işlər nazirinin müavini Kim Kye Gvan Trampın açıqlamasına münasibət bildirib, Pxenyanın Vaşinqtonla məsələləri “istənilən vaxt, istənilən yolla” həll etməyə açıq qaldığını söyləyib.
Gvan Trampın qərarını “gözlənilməz” adlandırıb, “böyük təəssüf” doğurduğunu vurğulayıb. O deyib ki, danışıqların təxirə salınması “Şimali Koreya- ABŞ arasındakı tarixən düşmən münasibətlərin durumunun necə ağır olduğunu, əlaqələrin yaxşılaşdırılması üçün sammitin keçirilməsinin vacibliyini” göstərir. “Dünya və Koreya yarımadasında sülh və sabitlik yaratmaq öhdəliyimiz dəyişməz qalır, ABŞ-a vaxt və fürsət verməkdə açıq fikirliyik”, o bildirib.
Tramp Kim Çen Inla sammiti ləğv etmək istədiyini mayın 24-də açıqlayıb. Ondan bir gün öncə isə Şimali Koreya ABŞ-ın vitse-prezidenti Mayk Pensi “siyasi oyuncaq” adlandırmış, sammiti təxirə salmaqla hədələmişdi. (Amerikanın Səsi)
Digər xəbərlər
loading...
