Aprel ayının 27-dən 28-ə keçən gecə ermənilərin atəşkəsi pozması nəticəsində yaralanan mülki şəxslərdən daha biri dünyasını dəyişdi.
Çəmənli kənd sakini 1943-cü il təvəllüdlü Əli Müseyib oğlu Hüseynov bir neçə dəqiqə əvvəl dünyasını dəyişib. O, Ağdam rayon Hərbi Hospitalında vəfat edib.
"Ermənilərin yaraladığı 73 yaşlı kişinin vəziyyəti kritikdir"
Ötən gün onun dünyasını dəyişməsi barədə məlumatlar yayılmışdı. Ağdam Rayon İcra Hakimiyyətinin başçısının müavini Eldəniz Abdullayev açıqlama verərək məlumatın doğru olmadığını bildirmişdi.
Bununlada son iki gündə ermənilərin açdığı atəş nəticəsində ölən mülki şəxslərin sayı 2-yə çatıb. Ötən gün Ağdamın yaşayış məntəqələrini atəşə tutması nəticəsində Çəmənli kənd sakini Famil Əli oğlu Mustafayev aldığı qəlpə yarasından ölmüşdü.
Ermənilərin Tərtər rayonunda dağıtdığı ev
Ötən gün atəşkəsin pozulması nəticəsində ancaq Çəmənli kəndində 7 yaralanıb. Onlar aşağıdakılardır:
Anar Nizami oğlu Abdullayev - 1975-ci il təvəllüdlü, Çəmənli kənd sakini
Sirdaş Şükür oğlu Kərimov - 1962-ci il təvəllüdlü, Çəmənli kənd sakini
Zahid Vəliş oğlu Rəhimov - 1985-ci il təvəllüdlü, Çəmənli kənd sakini
Adil Musdu oğlu Məmmədov - 1955-ci il təvəllüdlü, Çəmənli kənd sakini
Elnur Polu oğlu Məmmədov - 1978-ci il təvəllüdlü, Əfətli kənd sakini
Elgiz Elbrus oğlu Qarayev - 1985-ci il təvəllüdlü, Qaradağlı kənd sakini
Məhəmmədəli Soltan oğlu İmanov - 1963-cü il təvəllüdlü, Zəngişalı kənd sakini (anspress.com)
Digər xəbərlər
loading...
