Xalq artisti Aygün Kazımova sabah Almaniyada keçiriləcək "DAF BAMA Müzik Avards 2016” mükafatlandırma mərasimində çıxış edəcək.
Sənətçi avqustun 27-də baş tutacaq mükafatlandırma mərasimində dünya şöhrətli repçi Snup Doqla birgə ifa etdiyi "Coffee from Colombia” mahnısını oxuyacaq.
Sənətçi Avropanın ən yaxşı arenaları siyahısına düşən "Barkleykard”ın səhnəsində çıxış edəcək. Aygün Kazımovanı səhnədə Avropanın ən məşhur rəqs qruplarından biri müşaiyət edəcək.
Bu günə qədər sözügedən arenada Adel, Stinq, Rihanna, Kris Braun kimi dünya ulduzları konsert proqramı ilə çıxış edib. Aygün Kazımova bu beynəlxalq mükafatlandırma mərasiminə dəvət alan ilk azərbaycanlı sənətçidir.
Avqustun 24-dən Almaniyaya gedən A.Kazımova bu günlər ərzində həmin rəqs qrupu ilə mütəmadi məşqlər edib.
Aygün Kazımova ilə birlikdə prodüseri Stefani Mqebrişvili, stilisti Gusik Simonu, dostu Rəhim Rəhimli və bütün komandası Almaniyaya səfər edib.
Qeyd edək ki, xalq artisti Aygün Kazımova məşhur "Daf Bama Müzik Avards 2016” musiqi mükafatına "Ən yaxşı azərbaycanlı xanım ifaçı”, "İlin ən yaxşı sənətçisi” nominasiyalarında namizəd göstərilib.
MilliYol.Az
Digər xəbərlər
loading...
