Moskvada Suriya münaqişəsinin nizamlanması ilə bağlı Astana prosesi çərçivəsində Rusiya,Türkiyə və İran xarici işlər nazirlərinin üçtərəfli görüşü keçirilir. Görüşdə Suriya münaqişəsinin nizamlanması yolları, Astana prosesi çərçivəsində görülən və bundan sonra görüləcək işlər müzakirə olunur
Görüşdə çıxış edən Sergey Lavrov bildirib ki, Suriya ətrafındakı mövcud vəziyyətlə bağlı Astana prosesi çərçivəsində kollektiv tədbirlərin görülməsi vacibdir: "Ümid edirik ki, bugünkü görüşdə Suriyadakı mövcud vəziyyəti və sülhə və sabitliyə aparacaq əlavə addımları müzakirə edəcəyik. Astana formatı çərçivsəində keçirilən görüşlərdə əldə olunan nəticələr Suriyada zorakılığın azalmasına, humanitar vəziyyətin qismən düzəlməsinə səbəb olub. Təbii ki, bu istiqamətdə birgə səylər davam etdirilməlidir".
İran XİN başçısı Məhəmməd Cavad Zərif isə çıxışında Rusiya, İran və Türkiyənin Suriya münaqişəsinin həllində birgə çox işlər gördüyünü söyləyib: "Bu işlər son il yarım ərzində böyük uğurlara səbəb olub. Xüsusilə də Qazaxıstan hökumətinin dəstəyi ilə keçirilən Astana formatında görüşlərin keçirilməsini qeyd etmək istəyirəm. Biz Suriya münaqişəsinin siyasi yol ilə həllində israr edirik. Beynəlxalq terrorçuluqla mübarizə ümumbəşəri məsuliyyətdir. Bu münaqişəsinin hərb yolu ilə həlli mövcud deyil. Hamı siyasi yolla bu münaqişəni həll etməyə səy göstərməlidir. Müharibə yolu ilə münaqişəni nizamlamaq ancaq Suriya xalqının iztirablarını artıracaq. Xarici müdaxilə Suriyada gərginliyi daha da artıracaq. Suriyanın ərazi bütövlüyü, müstəqilliyi və vahidliyi önəmlidir. Astana prosesində bizim ölkələri birləşdirən mövqə də məhz budur. Ümid edirəm ki, biz Suriyaxalqına bu siyasi məqsədə nail olmaq üçün kömək etməyə davam edəcəyik".
Türkiyə XİN başçısı Mövlud Çavuşoğlu çıxışında Astana prosesi çərçivəsində əməkdaşlıq sayəsində Suriyada görülən işlərdən danışıb. O bildirib ki, məhz bu proses çərçivəsində Suriyada atəşkəsə və hərbsizləşdirilmiş zona müəyyən etməyə nail olunub: "Bizim məqsədimiz Suriya münaqişəsinin siyasi yolla həllinə nail olmaqdır. Ən yaxşı həll yolu siyasi həll yoludur. Silahlı yolla münaqişəni həll etmək qanuni və dayanıqlı deyil. Son hadisələr göstərir ki, bizim birgə gördüyümüz işlərə əlavə stimul verilməsi vacibdir".
Daha sonra görüş KİV nümayəndələrinin iştirakı olmadan davam etdirilib.(virtualaz.org)
Digər xəbərlər
loading...
