Braziliyanın Rio-de-Janeyro şəhərində keçirilən Yay Olimpiya Oyunları davam edir. Cənubi Amerikaya 56 idmançı ilə yollanan Azərbaycan yığması hələlik 13 medal qazanıb.
Onlardan 4-ü gümüş, 9-u bürünc medaldı. Artıq 48 idmançımız mübarizəni başa vurub. Qarşıdakı gündərdə daha 8 idmançımız mübarizəni davam etdirəcək ki, onlardan da ikisi artıq finaldadı. Belə ki, boksçu Lorenzo Sotomayor və bədii gimnast Marina Durunda həlledici mərhələdə iştirak edəcək.
Həmişə olduğu kimi dövlət olimpiada da medal qazanmış idmançılarımızı mükafatlandıracaq. Bununla bağlı prezident İlham Əliyev iyulun 18-də sərəncam imzalayıb. Həmin sərəncama əsasən medalçılar aşağıdakı məbləğdə mükafat alacaq.
1. Birinci yeri tutan hər bir idmançıya 400 min manat, onun məşqçisinə 200 min manat;
2. İkinci yeri tutan hər bir idmançıya 200 min manat, onun məşqçisinə 100 min manat;
3. Üçüncü yeri tutan hər bir idmançıya 100 min manat, onun məşqçisinə 50 min manat.
Beləliklə, bu günədək medal qazanan 13 idmançımız və onların məşqçilərinə 2 milyon 550 min manat mükafat paylanacaq. Qarşıdakı günlərdə medallarımızın sayının artması ehtimal olunur. Bu baş versə, mükafat məbləği də artacaq.
Mariya Stadnik (güləş, gümüş) - 200 min manat (məşqçisi 100 min manat)
Rüstəm Orucov (cüdo, gümüş) - 200 min manat (məşqçisi 100 min manat)
Elmar Qasımov (cüdo, gümüş) - 200 min manat (məşqçisi 100 min manat)
Valentin Demyanenko (kanoe, gümüş) - 200 min manat (məşqçisi 100 min manat)
Kamran Şahsuvarlı (boks, bürünc) - 100 min manat (məşqçisi 50 min manat)
Patimat Abakarova (taekvondo, bürünc) - 100 min manat (məşqçisi 50 min manat)
Milad Beiqi Harçeqani (taekvondo, bürünc) - 100 min manat (məşqçisi 50 min manat)
Sabah Şəriəti (güləş, bürünc) - 100 min manat (məşqçisi 50 min manat)
Rəsul Çunayev (güləş, bürünc) - 100 min manat (məşqçisi 50 min manat)
Nataliya Sinişin (güləş, bürünc) - 100 min manat (məşqçisi 50 min manat)
Hacı Əliyev (güləş, bürünc) - 100 min manat (məşqçisi 50 min manat)
Cəbrayıl Həsənov (güləş, bürünc) - 100 min manat (məşqçisi 50 min manat)
İnna Osipenko-Radomskaya (kayak, bürünc) - 100 min manat (məşqçisi 50 min manat)
Fanat.Az
Digər xəbərlər
loading...
