“Report” xəbər verir ki, F2 pilotları Bakı Şəhər Halqasını birinci yarışda 29, ikinci yarışda isə 21 dövrə vurmalıdırlar
Aprelin 27-i saat 11:00-dan 11:45-dək sərbəst yürüşlər, saat 15:00-dan 15:30-dək sıralanma turu və saat 15:45-də mətbuat konfransı keçiriləcək.
Aprelin 28-də saat 12:00-da birinci yarış, saat 13:20-də mətbuat konfransı olacaq. Ertəsi gün isə saat 13:10-da ikinci yarış, 14:15-də sonuncu mətbuat konfransı reallaşacaq.
Bu il “Formula 2” çempionatında 10 komanda yarışır. Hər komandada 2 pilot olmaqla ümumilikdə 20 nəfər mübarizə aparır. Builki mövsüm 12 turdan ibarətdir. Hər tur bir Qran Pri həftəsonunu əhatə edir və həmin vaxt 2 yarış baş tutur.
Artıq “Formula 2” çempionatının ilk turu keçirilib. İlk turun 1-ci yarışında “Carlin” komandasının pilotu Lando Norris, 2-ci yarışında isə “Russian Time” komandasının pilotu Artem Markelov qələbə qazanıb. Hazırda xal cədvəlində ilk sırada 39 xalla Lando Norris yer alır. Onu 30 xalla Artem Markelov və 28 xalla “Carlin” komandasının pilotu Sergio Setta Camara izləyir.
Xatırladaq ki, ötən il Bakıda baş tutmuş “Formula 2”nin ilk yarışında “Pertamina Prema Theodore Racing” komandasının pilotu Şarl Lekler, ikinci yarışında isə “BWT Arden2 komandasının pilotu Norman Nato qələbə qazanıb.
Digər xəbərlər
loading...
