“Amerikalı hərbçilərin Suriyaya atdığı “Tomahawk” raketlərinin heç biri problemlə qarşılaşmayıb”
APA-nın xəbərinə görə, bunu Pentaqonda keçirilən xüsusi brifinqdə ABŞ Silahlı Qüvvələri Birləşmiş Qərargahlar Komitəsinin nümayəndəsi, general-leytenant Kennet Makkenzi deyib. O, bütün raketlərin hədəfə çatıb-çatmadığı və texniki çatışmazlıqların yaranıb-yaranmadığı haqda suala cavabında “Tomahawk”ların hər hansı probleminin olmadığını söyləyib.
K. Makkenzi əməliyyat zamanı Suriyadakı Rusiya hava hücumundan müdafiə vasitələrinin işi haqda məlumata malik olmadıqlarını vurğulayıb: “Bizim heç bir raketimiz və təyyarəmiz Suriya hava hücumundan müdafiə qüvvələri tərəfindən vurulmayıb. Rusiya sistemlərinin işə salındığı haqda məlumata malik deyilik. Suriya rejimi tərəfindən 40-a yaxın “yer-hava” raketi buraxılıb, lakin bunların əksəriyyəti bizim zərbələrimiz başa çatdıqdan sonra baş verib. Görünür, rejim bu raketlərin bir çoxunu ballistik trayektoriya üzrə, yəni hədəf göstərilmədən buraxıb. Rejimin bu səyləri onun xalqı üçün riskləri artırırdı, çünki raketi havaya hədəfsiz buraxırsansa, o, harasa düşəcək”.
Digər xəbərlər
loading...
