Azərbaycan silahlı qüvvələrinin keçirdiyi təlimlərin, martın 19-da Rusiya SQ-nin Cənub federal dairəsində başladığı təlimlərlə əlaqəli olduğu istisna edilmir
Oxu.Az xəbər verir ki, bu barədə “Novoya qazeta”nın şərhçisi, hərbi ekspert Pavel Felqenqauer “Kafkazskiy uzel” portalına verdiyi müsahibədə bildirib.
Ekspert eyni zamanda bildirib ki, bu təlimlər planlı olsa da, “Qarabağda sonradan müharibəyə çevrilə biləcək, hərbi münaqişənin baş verəcəyini istisna etmək olmaz”
“Heç kim bu münaqişəyə diqqət yetirmir. Heç kimin marağında deyil. Azərbaycanın keçirdiyi təlimlər hərbi əməliyyatlara bilavasitə hazırlıqdır” deyə Felqenqauer bildirib.
Pavel Felqenqauerin təbirincə, Azərbaycan hər an Ermənistan qüvvələrinə qarşı hərbi əməliyyatlara başlaya bilər. Onun sözlərinə görə, Bakı ilk zərbəni endirmək üçün qüvvələri iri miqyasda səfərbər etməyə hazırlaşır.
“Orada vəziyyət pisdir, gərgindir...Təlimlərin radio-elektron şəraitdə keçirilməsi də, sözü gedən hazırlığa işarə edir...Qarabağ münaqişəsinin unudulması tendensiyası mövcuddur, belə ki, aparıcı dövlətlər bu münaqişədə bilavasitə iştirak etmir və belə dövlətlər arasında birbaşa qarşıdurma ehtimalı azdır” deyə Felqenqauer bildirib.
Jurnalistin sözlərinə görə, Azərbaycan mütəmadi olaraq Rusiya ilə yanaşı, İsrail və Türkiyədən hərbi texnika alır.
“Buna İsrailin yüksək dəqiqlikli yaylım atəşi sistemlərini, tank əleyhinə “Spike” raketləri ilə təchiz olunmuş zərbəçi PUA-larını misal göstərmək olar. Bu ABŞ-ın “Javelin” sisteminə bənzər effektiv üçüncü nəsil tank əleyhinə silahdır. Belə silah, nəinki Ermənistanda, heç Rusiyada da yoxdur. Azərbaycan ordunun silahlanmasına külli miqdarda pul sərf edir, bunu qeyd etmək vacibdir.” deyə ekspert bildirib.
Geoloji problemlər akademiyasının prezidenti, hərbi elmlər doktoru Konstantin Sivkov isə, öz növbəsində, Azərbaycan ordusunun hərbi təlimlərinin Dağlıq Qarabağın azad edilməsi üçün bir hazırlıq mərhələsi olduğunu hesab edir.
“25 minlik şəxsi heyət Dağlıq Qarabağın azadlıq ordusu təsəvvürünü yaradır....Təlimlərin miqyası Azərbaycan ordusu üçün görülməmiş miqyasdadır".
Ekspertin sözlərinə görə, Azərbaycan mütəmadi olaraq Rusiyadan tanklar, artilleriya silahları və “zenit” kompleksləri alır. Ancaq Ermənistan tərəfi də belə silahlarla təchiz olunur.
“Kifayət qədər keyfiyyətli silahlar alınır. Məsələn “T-90” tankı göstəricilərinə görə, ABŞ-ın “Abrams” tankını üstələyir”deyə Sivkov bildirib.
Digər xəbərlər
loading...
