Azərbaycanda internet klublarda uşaqlar üçün xüsusi guşə yaradılacaq
Modern.az-ın parlamentdən əldə etdiyi məlumata görə, bu barədə Prezident İlham Əliyevin imzası ilə Milli Məclisə daxil olan “Uşaqların sağlamlığı və inkişafına ziyan vuran informasiyalardan qorunması haqqında” qanun layihəsində qeyd edilib.
Layihədə bildirilir ki, hər bir internet klubda 2 kompüter olmaq şərtilə, süzgəcdən keçirilmilş kömpüterlər olmalıdır. İnternet klubda internetdən istifadə etmək istəyən uşaqlar həmin kompüterlərdə əyləşdiriləcək. Müvafiq qurumu isə buna nəzrət edəcək və mütəmadi monitorinqlər həyata keçirəcək. Monitorinq zamanı intetnet klubda uşağın digər kompüterdə əyləşdiyi aşkarlanarsa, onda klub rəhbərliyinin məsuliyyətə cəlb edilməsi nəzərdə tutulub.
Yeni qanun layihəsi yaxın vaxtlarda Milli Məclisin Ailə, qadın və uşaq məsələləri komitəsində müzakirə ediləcək.
Digər xəbərlər
loading...
