Braziliya millisinin və İspaniyanın “Barselona” klubunun yarımmüdafiəçisi Filippe Koutinyo yeni komanda yoldaşları haqda maraqlı fikirlər səsləndirib
Oxu.Az xəbər verir ki, o, Kataloniya təmsilçisində özünü rahat hiss etdiyini və ulduz futbolçularla birgə oynamaqdan məmnun olduğunu deyib:
“İnyesta, Messi, Suares, Buskets və “Barselona”nın digər ulduz futbolçuları ilə yanaşı oynamaq inanılmaz hissdir. Adını çəkdiklərimi əvvəl televiziya ekranında və “Play Station”da görürdüm.
İndi isə bu futbolçularla eyni paltardəyişmə otağında otururam. İnyesta dahidir. Messi dünyanın ən yaxşı futbolçusudur. O, istənilən oyunun taleyini təkbaşına həll edə bilər. Suares buraya uyğunlaşmağıma çox kömək etdi. Luis əsl futbol ulduzudur”.
Qeyd edək ki, Filipp Koutinyo “Barselona”ya ötən ay İngiltərənin “Liverpul” klubundan keçib.
Digər xəbərlər
loading...
