Azərbaycan millisinin yoxlama oyunlarındakı daha bir rəqibi bəlli olub
AFFA-nın rəsmi saytında bildirilir ki, yığmamız Makedoniya millisi ilə qarşılaşacaq.
Bu barədə AFFA və Makedoniya Futbol Federasiyası arasında ilkin razılıq əldə olunub. Razılaşmaya görə, görüş martın 27-də baş tutacaq. Matç Türkiyənin Antalya şəhərində təşkil olunacaq.
Qeyd edək ki, yığmamız yanvarın 30-da Moldova ilə üz-üzə gələcək.
Onu da qeyd edək ki, dünən İsveçrənin Lozanna şəhərində UEFA Millətlər Liqası turnirinin püşkatma mərasimi keçirilib. Püşkatmanın nəticəsinə əsasən, Azərbaycan və Kosovo milli komandalarının eyni qrupda mübarizə aparacağı müəyyənləşib. Bununla əlaqədar püşkatmadan sonra hər iki futbol federasiyasının rəhbərliyi arasında görüş keçirilib və fevralın 2-nə planlaşdırılan yoldaşlıq görüşünün keçirilməməsi barədə qarşılıqlı razılıq əldə olunub.
Digər xəbərlər
loading...
