Demokratlar partiyasının bir qrup nümayəndəsi noyabrın 15-də ABŞ Konqresində yenidən ölkə prezidenti Donald Trampın impiçmentinə dair təklif irəli sürəcək
MilliYol.Az APA-ya istinadən verdiyi xəbərə görə, avqustda eyni təşəbbüslə çıxış etmiş Nümayəndələr Palatasının Tennessi ştatından üzvü Stiv Koen prezidentə qarşı yenidən bir neçə ittiham irəli sürmək niyyətindədir. S.Koen Trampı Virciniyada ultrasağçı və solçular arasında ölümlə nəticələnən toqquşmalara yetərincə reaksiya verməməkdə ittiham edir.
Məlumata görə, İllinoys ştatını təmsil edən Luis Qutyerres adlı demokrat K.Koeni dəstəkləyəcəyini bəyan edib.
Qeyd edək ki, bir müddət əvvəl demokratlar Bred Şerman və El Qrin eyni təşəbbüslə çıxış ediblər. Onlar D.Trampı FTB rəhbəri Ceyms Komini vəzifəsindən kənarlaşdırmaqda, “ağ dərililərin irqi üstünlük konsepsiyası”nı qabartmaqda, ksenofobiya, seksizm, irqçilik, diskriminasiya və sair əməllərdə ittiham ediblər.
“Hill” nəşrinin məlumatına görə, ABŞ politoloqları bu cür təşəbbüslərin Konqresdə uğursuz olacağında əmindirlər. Belə ki, hazırda nəinki respublikaçılar, hətta Demokratlar partiyasının rəhbərliyi belə Konqresdə bu cür müzakirələrin aparılmasının əleyhinə çıxış edirlər.
MilliYol.Az
Digər xəbərlər
loading...
