“Turan” İnformasiya Agentliyi haqda cinayət işinə xitam verilib
MilliYol.Az Strateq.az-a istinadən xəbər verir ki, bu gün baş prokurorun birinci müavini Rüstəm Usubovla görüşən agentlik direktoru Mehman Əliyevə bu barədə qərar təqdim edilib.
Məlumatda qeyd edilib ki, Vergilər Nazirliyinin irəli sürdüyü 37 min manatlıq vergi sanskiyası sübuta yetirilməyib. Buna görə də cinayət işinə xitam verilib.
Qeyd edək ki, avqustun 7-də Bakı Lokal Vergilər Departamenti agentliyin 31 iyul 2014-cü ildən 31 iyul 2017-ci ilə qədər olan dövrdə 26 907 manat məbləğində vergi ödənişindən yayınması və təxminən 10 000 manat cərimə tətbiq edilməsi haqqında qərar çıxarıb. Agentlikdən tələb olunan ümumi məbləğ təxminən 37000 manat təşkil edib.
Avqustun 8-də isə Vergilər Nazirliyi yanında Vergi Cinayətlərinin İbtidai Araşdırılması Departamenti faktla bağlı səyyar yoxlamaya başlayıb.
Buna paralel olaraq, agentliyə qarşı cinayət işi açılıb, onun direktoru Mehman Əliyev isə avqustun 24-də həbs edilib. Sentyabrın 11-də ona qarşı "başqa yerə getməmək" haqqında qətimkan tədbiri seçilib.
MilliYol.Az
Digər xəbərlər
loading...
