Ölkənin ilk özəl banklarından olan “Parabank” ASC ilə bağlı qalmaqallı xəbərlər səngimək bilmir.
Bir müddət əvvəl bankın idarə heyətinin sədri Vəli Quliyevin “yoxa” çıxması barədə yayılan məlumatlardan sonra bankın problemli kreditlərinin həcminin artması ilə bağlı çeşidli informasiyalar dövriyyəyə buraxıldı.
MilliYol.Az aztoday.az-a istinadən xəbər verir ki, daxil olan məlumatlara görə, “Parabank”ın sədri Vəli Quliyev Sahibkarlığıa Kömək Milli Fondunun xətti ilə banka verilən vəsaitlərini öz yaxın adamlarına, dostlarına güzəştli kredit şəklində verib. Həmin kreditlər də aidiyyatı üzrə xərclənməyib. Verilən məlumata bank müdiri Vəli Quliyev filial müdirləri ilə əlbir olaraq milyonlarla manatlıq kreditləri aidiyyatı üzrə deyil özünün şəxsi biznesinin çiçəklənməsinə yönəldib. Belə filiallardan biri də bankın Beyləqan filialıdır. Məlumata görə, Xanlar Atakişiyevin rəhbərlik etdiyi bu filialda Sahibkarlığa Kömək Milli Fondun dəstəyi ilə verilən kreditlərdən “şapka” alınmaqla bərabər həmdə, çoxlu sayda kreditlər yaxın adamların adına sənədləşdirilərək tamam başqa bir istiqamətə yönləndirilib. Mənbə qeyd edir ki, filialdan çıxarılan vəsaitlər yenidən bankın öz pulu kimi kassaya yatırılır və vətəndaşlara yüksək faizlə kreditə verilir.
Məlumatlarda iddia olunur ki, “Parabank” ASC-nin Beyləqan filialının rəhbərliyi özlərinə məxsus əmlakları girov qoymaqla yüz min manatlarla az faizli vəsait çıxardaraq biznes qurmaqla bərabər yenidən bank vasitəsi ilə vətəndaşlara kreditə verir. Mənbə qeyd edir ki, Beyləqan filialının müdiri Xanlar Atakişiyev Vəli Quliyevin ona olan etimadından sui istiadə edərək onu belə aldadır. Belə ki, filial müdiri öz yaxın adamlarının adına dövlət xətti ilə götürdüyü vəsaitləri yenidən saxta bank sənədləri adı altında bəzi məmurlara kredit şəklində verir. Bu kreditlərlə bərabər filial müdiri həmdə bir çox şəxslərə girov müqabilində qanunsuz sələm də verdiyi deyilir. Hər ay təkcə qanunsuz sələmdən külli miqdarda qazanc qazanan filial müdiri dövlətin pullarını istədiyi kimi fırladır. Filial müdiri bütün ətrafına açıq aşkar deyir ki, arxasında Vəli Quliyev dayanır və bu işlərdən onun şəxsən xəbəri var.
Görünür, “Parabank” ASC sədri məhz filial müdirinin əli ilə dövlət pullarının sağa – sola xərcləyir.
Qeyd edək ki, Parabankın Beyləqan filialında baş verən maxinasiyalarla bağlı araşdırmamamız davam edir və yaxın günlərdə oxucularımız adaha ilginc məlumatlar verəcəyik.
Qarşı tərəfin də mövqeyini işıqlandırmağa hazırıq.
MilliYol.Az
Digər xəbərlər
loading...
