İraq Kürd Bölgə Muxtariyyətinin rəhbəri Məsud Bərzaninin istefası bölgədə gərginliyə səbəb olub
"Qaynarinfo" xarici mediaya istinadən xəbər verir ki, Bərzaninin vəzifəsinə davam etməsini istəyən peşmərgə qüvvələri əllərində Kalaşnikov silahları ilə parlamentə daxil olaraq ətrafa atəş açıb və "Rəhbərimiz Bərzani" şüarlarını səsləndiriblər. Goran Dəyişiklik Hərəkatı Partiyasının məlumatına əsasən, binada bəzi deputat və jurnalistlər qalıb, təhlükəsizlik səbəbilə bir müddət binanı tərk edə bilməyiblər.
Kürdüstan Vətənpərvərlər Birliyi ilə Goran Hərəkatı Partiyalarına aid binalar isə Zaho bölgəsində yandırılıb. Partiyalar Məsud Bərzaniyə xəyanətdə ittiham edilirlər.
Qeyd edək ki, Bərzaninin hakimiyyəti dövrü 2013 və 2015-ci illərdə 2 dəfə olmaqla 4 il uzadılıb. Kürd lider son günlərdə 1 noyabrda planlaşdırılan prezident və parlament seçkilərinin 8 ay müddətinə təxirə salındığını desə də, daha sonra planlaşdırılan tarixdə istefa verəcəyini açıqladı. Sentyabrda keçirilən müstəqillik referendumu, İKBM-nin digər ölkələrdən dəstək görməməsi və İraqın təzyiqi ərazidə vəziyyətin daha da gərginləşməsinə, muxtar vilayətdə fikir ayrılıqlarına səbəb olmuşdu.
MilliYol.Az
Digər xəbərlər
loading...
