Azərbaycanda telefon xətlərinə qanunsuz daxil olmaqla danışıqlar aparma cinayət məsuliyyəti yaratmayacaq
“Report” xəbər verir ki, bununla bağlı Cinayət Məcəlləsinə dəyişiklik təklif olunur.
Belə ki, Məcəllədən 189-cu (Telefon xətlərinə qanunsuz daxil olmaqla danışıqlar aparma) maddəsi çıxarılır.
Hazırda qanunvericilikdə yer alan maddəyə əsasən, abonentə məxsus telefon nömrəsinə aid olan rabitə xəttinə qanunsuz daxil olmaqla danışıqlar aparma, zərərçəkmiş şəxsə xeyli miqdarda ziyan vurmaqla törədildikdə 100 manatdan 500 manatadək miqdarda cərimə və ya 240 saatdan 300 saatadək ictimai işlər və ya 1 ilədək müddətə islah işləri ilə cəzalandırılır.
Eyni hərəkətlər zərərçəkmiş şəxsə külli miqdarda ziyan vurduqda 500 manatdan 1000 manatadək miqdarda cərimə və ya 2 ilədək müddətə islah işləri ilə cəzalandırılır.
Bu əməl bundan sonra inzibati məsuliyyət yaradacaq. İnzibati Xətalar Məcəlləsinin 360-cı (Telefon xətlərinə qanunsuz daxil olmaqla danışıqlar aparma) maddəsinə əsasən, abonentə məxsus telefon nömrəsinə aid olan rabitə xəttinə qanunsuz olaraq daxil olmaqla danışıqlar aparma, zərər çəkmiş şəxsə az miqdarda (1000 manatadək) ziyan vurmaqla törədildikdə 400 manatdan 600 manatadək məbləğdə cərimə edilir.
Dəyişiklik layihəsi Milli Məclisin plenar iclasında müzakirəyə çıxarılacaq.
MilliYol.Az
Digər xəbərlər
loading...
