Kosovonun paytaxtı Priştina şəhərində 15 və 17 yaşlı yeniyetmə ağır atletlər arasında Avropa birinciliyi davam edir
Virtualaz.org yerli KİV-ə istinadən bildirir ki, 22-30 sentyabr tarixlərində keçirilən yarışda 40-a yaxın ölkədən 305 atlet (175 oğlan və 130 qız) medallar uğrunda mübarizəyə aparır.
Sentyabrın 25-də Azərbaycan yığmasının əsas qızıl ümidlərindən biri olan Səbinə Əzimova körpücük üzərinə çıxıb. O, birdən qaldırma hərəkətində hər 3 yanaşmasını uğurla yerinə yetirib və 78 kq-la bu hərəkətdə 2-ci olub. Atlet təkanla qaldırma hərəkətində 96 kq çəkini ram edərək bu hərəkətdə də 2-ci yeri tutub. Toplam 174 kq (78+96) nəticə göstərən Səbinə Əzimova 53 kq çəki dərəcəsində bütün rəqiblərini qabaqlamağı bacarıb və 17 yaşa qədər olan qız atletlər arasında Avropa çempionu olub. Bu, onun üçüncü Avropa çempionluğudur.
Səbinə buna qədər yeniyetmələr arasında Avropa birinciliyinin ikiqat qalibi idi. O həm də yaşı 15-ə qədər olan qızların bu çəkidə rekordçusudur.
MilliYol.Az
Digər xəbərlər
loading...
