"Azərbaycandan Həcc ziyarətinə gedən zəvvarlar hazırda Məkkə şəhərindəki otellərdədirlər"
Bu barədə "Report"a Qafqaz Müsəlmanları İdarəsindən (QMİ) məlumat verilib.
Bildirilib ki, hacılar sentyabrın 9-na kimi Məkkə şəhərində qalacaqlar: "Onlar sentyabrın 9-dan başlayaraq 10-u və 11-i tarixlərində zəvvarlar Mədinə şəhərinə yollanacaq. Hazırda isə zəvvarların vacib əməlləri qalmasa da, onlar Kəbəyə gedir, namaz və dualarını orada yerinə yetirirlər. Bəziləri təkrar Ümrə ibadəti ilə məşğul olurlar. Bundan başqa, zəvvarlar qrup şəklində Məkkə şəhərinin görməli yerlərinə ziyarətə aparılır. Eyni zamanda Ərəfat çölü, Mina, Müzdəlifə, Şeytangah Nur dağını təkrar ziyarət edirlər. Həmçinin baxtilə Biləsuvardan olan Mirsultan ağanın da dəfn olunduğu Cənnətül Müala deyilən yer ziyarət olunur".
QMİ-dən vurğulanıb ki, zəvvarların səhhətləri normaldır, xəstələnmə halları qeydə alınmayıb: "Onlarla gedən həkimlər bu il zəvvarlar arasında xəstəlik hallarının az olduğunu vurğulayıblar".
Qeyd edək ki azərbaycanlı zəvvarlar sentyabrın 12-dən başlayaraq Vətənə qayıdacaqlar.
Xatırladaq ki, bu il Azərbaycandan Həcc ziyarətinə 900 nəfər gedib.
MilliYol.Az
Digər xəbərlər
loading...
