ABŞ-ın Florida ştatının Orlando şəhərində yerləşən “Pulse” gecə klubunda terror aktı törədən Omar Matinin atası oğlunun hərəkətini izah edib.
“NBC News”a danışan Mir Seddikin sözlərinə görə, oğlu bir neçə ay əvvəl Mayamidə öpüşən kişilər görüb.
Onun sözlərinə görə, Matin kişilərin onun arvadı və oğlunun gözləri qarşısında öpüşməsi və qucaqlaşmasından hirslənib.
Seddik əlavə edib ki, oğlunun hərəkətinə görə üzr istəyib. O, vurğulayıb ki, hadisənin dinlə əlaqəsi yoxdur.
Qeyd edək ki, bu gün törədilən terror aktı nəticəsində 50 nəfər ölüb, 53 nəfər yaralanıb. Bu gecə klubu qeyri-ənənəvi oriyentasiyaya malik insanların toplaşdığı məkan olub.
Daha əvvəl Konqresin respublikaçı üzvü Piter Kinq CNN telekanalına müsahibəsində bildirib ki, hakimiyyətin fikrincə, əfqan mənşəli amerikalı Matin silahla davranış üzrə xüsusi hazırlıq keçib. Matinin Florida ştatının sakini olduğu bildirilir.(Publika.az)
MilliYol.Az
Digər xəbərlər
loading...
