Son vaxtlar sosial şəbəkələrdə, o cümlədən "Turan TV"-nin efirində özünü ABŞ-da yaşayan jurnalist və siyasi mühacir kimi təqdim etməklə Azərbaycan və Rusiya hakimiyyətlərinin ünvanına sərt ittihamlar səsləndirən Beydulla Manafovla bağlı sensasion faktlar üzə çıxıb
Hazırda Avropada yaşayan jurnalist həmkarlarımızdan biri Strateq.az-a deyib ki, Beydulla Manafov ABŞ və Avropadakı mühacirlərə Əliyevlər hakimiyyətinin təqiblərindən yaxa qurtarmaq üçün ölkəni tərk etdiyini və ona görə də hakimiyyətə qarşı sərt mübarizə yolu tutduğunu söyləsə də, onun Azərbaycandan gediş səbəbləri əslində tamam başqa motivlər əsasında olub və hazırki siyasi fəaliyyətinin kökündə də, heç də özünün indi iddia etdiyi kimi, "ölkəni demokratikləşdirmək istəyi” durmur.
Həmkarımızın bildirdiyinə görə, o, Beydulla Manafovun tez-tez "Turan TV”-nin efirindən əsasən əhalinin rusdilli təbəqəsinə ünvanlanmış hakimiyyət əleyhinə çıxışlarını izlədikdən sonra onunla bağlı araşdırma aparmaq qərarına gəlib və heyrətamiz faktlarla üzləşib: "Əvvəlcə mənə dedilər ki, Əliyevlər hakimiyyətinin təqibindən yaxa qurtarmaq üçün ABŞ-a sığınıb. Ancaq sonra onu yaxından tanıyan şəxslərdən eşitdim ki, Beydulla Manafov əslində həyat yoldaşının erməni olması və bunu da əksəriyyətin bilməsi səbəbindən Azərbaycanda yaşamaq istəməyib və ailəsini də götürüb ABŞ-a köçüb. Onun özündən bir yaş böyük olan həyat yoldaşı Raisa Qaykovna adlı xanımdır, 1946-cı ildə anadan olub və uzun müddət Nəsimi rayonunda yaşayıblar, hazırda Texas ştatında, Dallasda qalırlar. İki övladları var və hamısı da ABŞ vətəndaşlığı alıblar. Qızları Məlahət Manafova da Losornio Antoni Ray adlı amerikalıya ərə gedib. Tez-tez bura – Londona gəlib-gedirlər. Onların hamısının ABŞ-da siyasi sığınacaq və vətəndaşlıq almalarında "erməni amili” mühüm rol oynayıb və bu işdə ABŞ-dakı erməni lobbisinin köməyindən yararlanıblar. Ancaq bunu gizlədirlər…”.
Həmkarımızın bildirdiyinə görə, Beydulla Manfov özünü hər yerdə jurnalist kimi təqdim etsə də, o, əslində Nəsimi rayon Partiya Komitəsinin təlimatçsı işləyib:"Beydulla Manafov ixtisasca jurnalistdir, ancaq o, keçmiş kommunistdir, uzun müddət Nəsimi rayon Partiya Komitəsinin təlimatçısı işləyib və Sovet hökumətini təbliğ edib. İndi olub "böyük demokrat"”.
Qeyd edək ki, jurnalist həmkarımız bizimlə söhbətində Beydulla Manafovun həyat yoldaşının erməni olması faktının və onun erməni lobbisiylə əlaqlərinin Qənimət Zahidə bəlli olub-olmadığını bilmədiyini də söyləyib: "Mən Qənimətin nə özüylə, nə də dəstəsiylə əlaqə saxlamıram. Məncə, bu faktı bilmir. Çünki Beydulla Manafov böyük bir oyundadır və bu oyunu quranların başı da gedib birbaşa erməni lobbisinə, qərbdəki xüsusi xidmətlərə bağlanır. Qənimət, yəqin ki, adının ermənilərin Azərbaycana qarşı planlarında yer almış adam kimi çəkilməsini istəməz. Məncə, o, Beydullanın gerçək kimliyindən məlumatsızdır. Qənimətə Azərbaycan hakimiyyətinin əleyhinə danışan adam lazımdır, o da buna görə meydan verir”.
Onu da qeyd edək ki, həmkarımız son vaxtlar erməni lobbisinin ABŞ və Avropada yaşayan siyasi mühacirlərə necə "qarmaq” atmalarından, onları hansı məqsədlə özlərinə tərəf çəkməyə çalışdıqlarından da geniş bəhs edib və onun söylədikləri informasiyalar əsasında hazırlanan geniş materialı sabah Strateq.az-da yayınlayacağıq.
MilliYol.Az
Digər xəbərlər
loading...
