Bakıda ölümlə nəticələnən yol qəzası baş verib
“ARB TV” xəbər verir ki, hadisə ötən gecə paytaxtın Qaradağ rayonunun Ələt qəsəbəsində baş verib.
İçərisində 4 nəfərin olduğu “Daewoo” markalı minik maşını hərəkətdə olarkən yol kənarındakı yanacaqdoldurma məntəqəsində növbədə dayanan “Şaqman” markalı yük avtomobilinə arxadan çırpılıb.
Nəticədə, sürücü 26 yaşlı Rövşən Hacızadə və onun 24 yaşlı qardaşı Üzeyir Hacızadə, onların xalasıoğlu, hərbi xidməti başa vurub qayıdan Həsən Həsənov dünyasını dəyişib.
FHN-nin xüsusi riskli xilasetmə xidmətinin xilasediciləri hadisə yerinə cəlb olunublar. Minik avtomobilində sıxılmış vəziyyətdə qalan cəsədlər çıxarılaraq aidiyyatı üzrə təhvil verilib.
Xəstəxanaya yerləşdirilən Nicat adlı gəncin vəziyyəti isə ağırdır. Həmin şəxs isə əsgərlikdən evə qayıdırmış və ölən qardaşlardan Rövşən Hacızadə ailəli olub, bir övladı var.
Faktla bağlı araşdırma aparılır.
MilliYol.Az
Fotolar
Digər xəbərlər
loading...
